“Gaza ikasleekin” Palestinako mapei begiratuz eta herrialde honek Israelekin duen gatazkaren bideoak ikusita 2025eko urrian garatutako proiektua da.

Astean behin pantailan ikusitakoak komentatu ondoren, ikasle bakoitzak bereziki arreta eman zion egoera edo gertaera aukeratu zuen. 

Aukeratutako egoera edo gertaeraren azalpen idatzia eta horren inguruko hausnarketa eskeintzea izan zen egin beharreko zeregina, enpatia eta pentsamendu kritikoa lantze aldera. Gero horri bideoetatik ateratako irudiak gehitu genizkion.

Eta azkenik, hormirudi bat osatu genuen lan guztiekin pasabidean ikusgai jartzeko eta Gazaren egoera gurean presente izateko.

“Autorretratu kubista” idatziz abiatutako proiektua da, zeinean, egile bakoitzaren itxura fisikoa, izaera eta zaletasunak aurkezten diren.

Deskribapenaren izenei eta adjektiboei erretratuaren lerroak eta koloreak gehitzen zaizkio aurreko zein alboko ikuspegi bikoitzaz, irudipen zein ulermen osoagoa bilatze aldera, horretarako abstrakzioa ere baliatuz. Azkenik, lerroak eta koloreak biderkatzen dira ertzetan ikuskera anizkoitza indartzeko.

Autoirudikapenak zortzi eta hamabi urte bitarteko haurrek sortu dituzte, duela bi urte edo zenbait hilabete Amerikatik etorritakoak. Lasarteko Landaberri ikastolako ikasleak dira, eta EUSLE programaren baitan euskara ikasten ari dira esplorazioaren, esperimentazioaren eta sormenaren bidez.

2026ko martxoa

Plastidecor motako argizarizko krayoiak kartoi mehe gainean

  260 x 105 cm